Wednesday, May 30, 2007

(: أنا جييييت

النهارده قررت ابدأ الكتابة فى المدونة ، مش عارف ليه اترددت كتير عشان اخد الخطوة ديه اديني اخدتها اهو الحمد لله باركووولى بقى وعقبال كل اللى نفسهم يدونوا ولسه مبدؤوش...

المهم بعد كل ده إن الواحد يستمر لأن الأهم من البداية هى القدرة على المداومة على اللى الواحد بدأ فيه و دى يمكن أهم سبب كان مخليني متردد جداً بس بعد تشجيع من أخونا صاحب المدونة اللطيفة عايز اتجوز (ربنا يرزقه و يرزقنا ببنت الحلال يااااارب) و كمان سؤال دكتورتنا العزيزة صاحبة التخاريف الجميلة :) ولأسبابٍ ما فى نفس يعقوب !! أخدت قرارى وبدأت اكتب الكلام اللى انتوا بتقروه دلوقتى.

طبعاً أكيد أى حد فيكوا دلوقتى هيجى فى باله يا ترى ايه نوع الكلام اللى هو ناوي يدوشنا بيه هنا و ايه نوع المواضيع وأسئلة من النوع ده ! أحب أقولوكم ان أنا كمان بسأل نفسى الأسئلة نفسها :) فمعلش بقى مش هعرف أرد عليكوا بس ان شاء الله اعوضهالكم مرة تانية ، عموماً كل اللى هقدر اقوله ان الجواب بيبان من عنوانه و زى ما العنوان بيقول هنتكلم عن التلات الحاجات دول اللى فى العنوان وأهم حاجة دعواتكم اننا نقدر نستمر .

هاسيبكم بقى دلوقتى وقريب قوى إن شاء الله هنتقابل مع أول تدويناتى :)

6 comments:

Noony said...

مبرووووووووووك
مستنيين

:)
نوني

تخاريف said...

مبروك يا دكتور...ومنتظرين كتابات حضرتك اللى تقدر تعبر بيها اى حاجه شغلاك فى الحياه او فى تعاملاتك مع الناس..

:)
تحياتى

shermen said...

مبروك البلوج ومستنينك تدوشنا
ههههههههههههههه
تحياتي

Epitaph said...

mabrook 3alina ya Dr
:))

The Groom said...


ألف مبروك يا حبي

:)

تحياتي لك من ماناساس البلد

Dr.SEA said...

Noony
تخاريف
Shermen
Epitaph
The Groom

الله يبارك فيكوا و مستنى تعليقاتكم دايماً :)
وحبة دعاية بقى
:)